अन्न व नागरी पुरवठा मंत्री मा.छगन भुजबळ यांच्या हस्ते होणार पुरस्कार वितरण सोहळा.
विजयदिप न्यूज.
अखिल भारतीय महात्मा फुले समता गौरव पुरस्कार जाहीर झाले असुन अखिल भारतीय महात्मा फुले समता परिषद शाखा फुलचिंचोली (ता. पंढरपूर) यांच्या वतीने देण्यात येणाऱ्या समता गौरव पुरस्काराची घोषणा करण्यात आली आहे. महात्मा फुले यांच्या स्मृतिदिनानिमित्त दरवर्षी हे पुरस्कार दिले जातात. २८ नोव्हेंबर रोजी स. १० वाजता पुणे येथील महात्मा फुले वाडा, गंजपेठ येथे अन्न व नागरी पुरवठा मंत्री महाराष्ट्र राज्य तथा समता परिषदेचे संस्थापक अध्यक्ष ना.छगनराव भुजबळ यांच्या हस्ते संपन्न होणार असल्याची माहिती पंढरपूर तालुकाध्यक्ष चंद्रशेखर जाधव यांनी दिली.
यावेळी प्रमुख पाहुणे म्हणून ओबीसी महामंडळचे माजी अध्यक्ष तथा समता परिषदेचे महाराष्ट्र राज्याचे कार्याध्यक्ष बापूसाहेब भुजबळ, माजी खासदार समीर भुजबळ, माजी आ.पंकज भुजबळ, महिला प्रदेशाध्यक्षा मंजिरी घाडगे आदींसह मान्यवर उपस्थित राहणार आहेत.
यावर्षीचा कला क्षेत्रातील एक गाव तेरा भानगडी वेबसिरीज मधील चतुर भावड्या म्हणजे बाळासाहेब पाटील(विटा), सामाजिक पुरस्कार सद्दाम मणेरी, शैक्षणिक पुरस्कार सिंहगड इन्स्टिट्यूट पंढरपूरचे प्राचार्य कैलाश करांडे (सर), कृषी पुरस्कार भैरू बुरांडे, पत्रकारिता युवा पत्रकार संतोष रणदिवे, साहित्य चंद्रकांत भुजबळ पुणे यांना समता गौरव पुरस्कार २०२० जाहीर करण्यात आले आहेत.
