माळशिरस तालुक्यातील ग्रामपंचायत प्रभागरचना व आरक्षण प्रक्रिया पुर्ण.

आता खरे लक्ष सरपंचपदाच्या आरक्षणावरती.

विजयदिप न्यूज.
माळशिरस तालुक्यातील नोव्हेंबर-डिसेंबर २०२० मध्ये ४९ ग्रामपंचायतींच्या मुदती संपणार आहेत. यासाठी नोव्हेंबर-डिसेंबर २०१९  पासून प्रभाग रचना व आरक्षण प्रक्रियेला सुरुवात झाली होती. मात्र यानंतर कोरोना महामारी मुळे ही प्रक्रिया थांबली होती. नुकतीच २ नोव्हेंबर रोजी ही प्रक्रिया पूर्ण झाली असुन तालुक्यातील ४९ ग्रामपंचायतींच्या  प्रभाग रचना व प्रभाग निहाय आरक्षण अंतीम नमुना ‘अ’ प्रसिद्ध करण्यात आला आहे. यात १८ ग्रामपंचायती मधून ४३ हरकती दाखल करण्यात आल्या होत्या. या हरकतीवरती  उपविभागीय अधिकाऱ्यांनी विचार करून कायदेशीर बाबी तपासून निवडणूक आयोगाच्या परिपत्रकानुसार अंतिम प्रभाग रचना नमुना ‘अ’ प्रमाणे निश्चित करून सदर माहीती तलाठी, मंडल अधिकारी व तहसिल कार्यालयात प्रसिद्ध करण्यात आली असल्याची माहिती माळशिरसचे नायब तहसिलदार तुषार देशमुख यांनी दिली.
दरम्यान गावातील नेतेमंडळींचे खरे लक्ष आता सरपंच पदाच्या आरक्षण सोडतीकडे लागले असुन लवकरच सरपंच पदाच्या आरक्षणाची सोडत निघण्याची शक्यता आहे. माळशिरस तालुक्यात लवकरच ग्रामपंचायत निवडणुक रणसंग्राम सुरु होणार आहे. त्यामुळे आत्ता तालुक्यातील मुदत संपणार्‍या ग्रामपंचायतीच्या गावात मोर्चेबांधणीला वेग येऊ लागलेला पहावयास मिळत आहे.

ग्रामपंचायती, त्यांची प्रभाग संख्या व सदस्य संख्या खालील प्रमाणे